TOSHKENT KOGENERATSIYA MARKAZI 100 MVT

Toshkent shahridagi birinchi yirik quvvatli kogeneratsiya markazi. Obyekt Yunusobod tumanidagi 4-issiqlik markazi hududida joylashgan va taxminan 3,5 gektar maydonni egallaydi. Loyiha Xitoyning CNTIC (China National Technical Import & Export Corporation) korporatsiyasi bilan birgalikda davlat-xususiy sheriklik mexanizmi asosida amalga oshirilgan; to'g'ridan-to'g'ri xorijiy investitsiyalar hajmi — 65 million AQSh dollari.

Stansiyaning elektr quvvati — 100 MVt. Stansiya asosini tabiiy gazda ishlaydigan gaz-porshenli kogeneratsiya, Rolls-Royce / MTU uskunalari va issiqlikni utilizatsiya qilish tizimi tashkil etadi. Stansiya yiliga 876 million kVt·soat elektr va 858 ming Gkal issiqlik energiyasi ishlab chiqaradi; yiliga taxminan 35 million m³ tabiiy gaz tejaladi.